កាលពីថ្ងៃទី ២២ ខែ ឧសភានេះ ក្រុមហ៊ុនផលិតរថយន្ត Ford របស់អាមេរិក បានធ្វើការរុះរើ នាយកប្រតិបត្តិរបស់ខ្លួន ដោយបានដាក់ លោក Jim Hackett ឲ្យធ្វើជា នាយកប្រតិបត្តិថ្មីរបស់ក្រុមហ៊ុន ជំនួស លោក Mark Field វិញម្ដង។
លោក Jim Hackett ដែលជា នាយកប្រតិបត្តិថ្មី របស់ Fordនេះ ពីមុនគឺជា ប្រធានក្រុមហ៊ុន Ford Smart Mobility ដែលជាក្រុមហ៊ុន ជំនាញខាងស្វែងរកបច្ចេកវិទ្យាថ្មីៗសម្រាប់ការវិវត្តន៍នៃ បច្ចេកវិទ្យាថ្មីជាពិសេសបច្ចេកវិទ្យាឡានបើកបរស្វ័យប្រវត្តិ ហើយក្រុមហ៊ុននេះ ក៏ជាក្រុមហ៊ុនបុត្រសម្ព័ន្ធរបស់ ក្រុមហ៊ុន Ford ផងដែរ។
ដោយធ្លាប់កាន់ក្រុមហ៊ុនខាង អភិវឌ្ឍន បច្ចេកវិទ្យាថ្មីនៃការវិវត្តិនៃ រថយន្ត នាយកប្រតិបត្តទើបចូលកាន់តំណែងវ័យ ៦២ ឆ្នាំរូបនេះ បាន ប្ដេជ្ញាថា នឹងដឹកក្រុមហ៊ុន Ford ឲ្យបានល្អ ក្លាយជាក្រុមហ៊ុន រថយន្តលំដាប់កំពូលក្នុងពិភពលោក ជាពិសេសនោះគឺ លោកនឹងដឹកនាំក្រុមហ៊ុនឆ្ពោះទៅកាន់ ក្រុមហ៊ុនដែលផលិតរថយន្តបើកបរស្វ័យប្រវត្តិឲ្យបានច្រើន។
លោក បានលើកឡើងថា លោកពិតជាសប្បាយចិត្តណាស់ក្នុងការដឹកនាំកិច្ចការជំនួញផ្នែក រថយន្ត ហើយលោកក៏ បានសង្កតធ្ងន់ថា វិស័យដឹកជញ្ជូននាពេលបច្ចុប្បន្ននេះ គឺមកដល់ចំណុចមួយដែលត្រូវធ្វើការផ្លាស់ប្ដូរជាច្រើន ហើយក្នុងនាមរូបលោកដែលជា នាយកប្តតិបត្តិ ថ្មីរបស់ Ford នឹងមានតួនាទីក្នុងការផ្លាស់ប្ដូរវិស័យនេះ។
នាយកប្រតិបត្តិថ្មីរូបនេះបាននឹងកំពុង ធ្វើការអភិវឌ្ឍន៍ លើបច្ចេកវិទ្យារថយន្តបើបរស្វ័យប្រវត្តិ សម្រាប់ទីផ្សារអតិថិជន។ លោកបានឲ្យដឹងថា ក្រុមហ៊ុន Ford បានធ្វើពិសោធន៍ ជាមួយក្រុម pilot ទាក់ទងនឹងការព្យាករណ៍កន្លែងចុះចត។ ជាមួយគ្នានេះដែរ លោក Jim Hackett បានធ្វើការជាមួយ IBM លើកម្មវិធីវិភាគទិន្នន័យ ដើម្បីជួយ បង្កើនការយលដឹងពីបច្ចេកវិទ្យារថយ្តបើកបរស្វ័យប្រវត្តិ៕
សួស្ដី អ្នកទាំងអស់គ្នា ដែលបានចូលទស្សនានូវផេករបស់ខ្ញុំបាទ ។ ខ្ញុំបាទឈ្មោះ សួស ប៊ុនសឿង ជាម្ចាស់ផេកនេះ ខ្ញុំសប្បាយចិត្តណាស់នៅពេលអ្នកទាំងអស់គ្នាចូល មើល ចំនេះដឹងថ្មីៗនៅក្នុងផេងរបស់ខ្ញុំបាទ ។ ខ្ញុំនឹងខិតខំស្វែងរកចំនេះដឹងថ្មីៗ និងមានប្រយោជន៍ ជួនមិត្តទាំងអស់គ្នា ដើម្បីអភិវឌ្ឍន៍សមត្ថភាពរបស់អ្នកឲ្យកាន់តែរីកចំរើន ។
No comments:
Post a Comment